«Qyzylorda-Jezqazǵan» joly Syr óńiri men Saryarqany jalǵaıdy

<p>QYZYLORDA. KAZINFORM &mdash; Endigi kezekte Syr óńirinen Saryarqaǵa jetý eshbir qıynǵa soqpaıdy. Eki aralyqta qurylysy júrip jatqan &laquo;Qyzylorda-Jezqazǵan&raquo; jolynyń Qyzylorda oblysyndaǵy bóliginde jol salý isi máresine jaqyndady.</p>

QR Kólik mınıstrliginiń bastamasymen Avtomobıl joldary komıteti men «Jol aktıvteri sapasynyń ulttyq ortalyǵy» RMK mamandary jáne «QazAvtoJol» AQ kompanııasy birlesip, BAQ ókilderine «Sapa kerýeni» baspasóz týryn ótkizdi.

Foto: Nurbolat Nurjaýbaı

Sala mamandarynyń aıtýynsha, atalǵan joldyń 192 shaqyrymǵa jýyq bóligi Qyzylorda oblysynyń aýmaǵynda ornalasqan. Bıylǵy jyldyń sońyna deıin onyń 140 shaqyrymy kólik qozǵalysyna paıdalanýǵa beriledi. Respýblıkalyq «Qyzylorda-Jezqazǵan» avtojolyn qaıta jańǵyrtý jumystary qarqyndy júrip jatyr. Búginde úsh ýchaskede jumystar aıaqtalýǵa jaqyndady.

Foto: Nurbolat Nurjaýbaı

Elimizdiń ortalyǵy men ońtústigin jalǵaıtyn tóte jol kólik logıstıkasyn jaqsartyp qoımaı, áleýmettik-ekonomıkalyq turǵyda mańyzy zor. Eýropalyq damý jáne qaıta qurý banki arqyly qarjylandyrylǵan jobada merdigerlerge óte joǵary talap qoıylǵan. Osyndaı talaptar boıynsha qyzmetin júrgize alatyn qazaqstandyq kompanııalar sany artyp keledi. Olar aýqymdy jobalarǵa qatysyp qana qoımaı, halyqaralyq talaptarǵa saı jol salýǵa qaýqarly ekenin dáleldeı tústi. Merdigerlerdiń 4-eýi qytaılyq kompanııa, bireýi jergilikti «Qyran» JShS. Otandyq kásiporyn alǵashqylardyń biri bolyp jumysyn aıaqtaǵanyn erekshe atap ótken jón.

«Qazir salynǵan úsh ýchaskedegi joldyń tegistigine keletin bolsaq, zertteý jumystarynyń qorytyndysymen 96-98 ball júıesimen baǵalanyp, normatıvtik talaptarǵa saı keletinin kórsetip otyr. ıAǵnı, bul óte jaqsy degen kórsetkish», — dep atap ótti «Jol aktvıteri sapasynyń ulttyq ortalyǵy» RMK bas dırektory Bolatbek Aıtbaev.

Aldaǵy ýaqytta jol belgisi qoıylady. Jol ashylǵannan keıin trassa arqyly kún saıyn júretin kólikter sany 4 myńnan kem bolmaıdy degen boljam bar. 2024 jyly jyljymaly zerthanamen qaıta jańǵyrtýdan ótip jatqan jolǵa 1028 ret tekserý júrgizilgen. Jol jabyndysy men qurylys materıaldarynan 4,2 myń synama alynǵan. Anyqtalǵan olqylyqtardy merdigerler óz qarjysy esebinen qaıta qalpyna keltirilgen. 

Foto: Nurbolat Nurjaýbaı

«Respýblıkalyq mańyzdaǵy avtojoldyń 29 shaqyrymyn bizdiń komanda atqaryp shyqty. 2022 jyly sáýir aıynda jumys bastaldy. Qazirgi kúni úsh qabatty astfalt tolyq tóseldi. Jol jolaǵyn syzý, jol belgisin qoıý, jaryqsham ornatý tolyǵymen aıaqtaldy. Jol boıynda kópshilikke arnalǵan demalys aımaǵy salynyp jatyr. Jyl aıaǵyna deıin joldy tolyǵymen paıdalanýǵa beremiz. Eki jyldan astam ýaqyt ishinde oǵan 150-den astam jumysshy, 90 tehnıka tartyldy. Bes merdigerler arasynda bizdiń seriktestik jalǵyz jergilikti mekeme ekenin aıta keteıik», — deıdi «Qyran» JShS-niń joba jetekshisi Esentaı Ómirzaqov.

Aldaǵy ýaqytta kúre jol ońtústik óńirdegi turǵyndardyń áleýmettik-ekonomıkalyq jaǵdaıyna óz yqpalyn tıgizedi. Alǵashqy kezekte jolaýshylar qatynasy jaqsarady. Joldy salý barysynda bul aýmaqta 6 asfalt zaýyty quryldy.

Jobanyń Ulytaý oblysy jaǵyndaǵy 208 shaqyrymy boıynsha rekonstrýktsııa kelesi jyly bastalady. Merdiger mekeme anyqtalyp, 8 ýchaskege bólinip, daıyndyq jumysyn júrgizip jatyr. Uzyndyǵy 400 shaqyrym bolatyn joldy salyp bitirý merzimi 2027 jyl dep kórsetilgen.