Qyzylorda turǵyny aıaldamadaǵy aqparatty memlekettik tilde jazýdy surap, sotqa júgindi

<p>QYZYLORDA. KAZINFORM &ndash; Qyzylorda turǵyny avtobýs aıaldamalaryndaǵy aqparatty memlekettik tilde jazýdy mindetteýdi surap, Qyzylorda qalasynyń mamandandyrylǵan aýdanaralyq ákimshilik sotyna júgingen.</p>

Sot avtobýs aıaldamalaryndaǵy aqparattardy memlekettik tilde ornatýdy mindettedi.

«Talap qoıýshy óziniń talap qoıýynda birneshe márte ókiletti organdarǵa júginip, aıaldamalardaǵy aqparattardy memlekettik tilde jazý kerektigin aıtqanyn, alaıda eshqandaı nátıje bolmaǵanyn, sodan sotqa júginýge májbúr bolǵanyn, memlekettik tilde jazylmaǵan aqparattardy ornatý zań talaptaryn óreskel buzatynyn kórsetken. Sotta anyqtalǵandaı, turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi memlekettik satyp alý týraly sharty negizinde jaýapty seriktestikke marshrýttyq avtobýs aıaldamalaryna 26 dana aqparattyq taqtany ornatýdy tapsyrǵan. Alaıda, aqparattyq taqtalardaǵy aqparattar memlekettik tilde jazylmaǵan», - delingen Qyzylorda oblysynyń mamandandyrylǵan aýdanaralyq ákimshilik soty habarlamasynda.

Sot talap qoıýshynyń memlekettik tilde aqparattar alýǵa qatysty konstıtýtsııalyq quqyqtary buzylǵanyn eskerip, talap qoıýdy qanaǵattandyryp, jaýapkerge avtobýs aıaldamalaryndaǵy aqparattardy memlekettik tilde ornatýdy mindettedi.

Sonymen qatar, bólimniń tulǵalarynyń tarapynan jiberilgen buzýshylyqtar boıynsha jeke uıǵarym shyǵardy.

Sot sheshimi zańdy kúshine enip, oryndaldy.