Qyzylorda oblysynyń tabıǵı resýrstar basqarmasyna jańa basshy taǵaıyndaldy

<p>QYZYLORDA. KAZINFORM - Qyzylorda oblysynyń tabıǵı resýrstar jáne tabıǵat paıdalanýdy retteý basqarmasynyń basshysy qyzmetine Serik Sermaǵambetov taǵaıyndaldy.</p>

S. Sermaǵambetov 1965 jyly Qazaly aýdanynda dúnıege kelgen.

Almaty halyq sharýashylyǵy ınstıtýtyn ekonomıst, Eýrazııa ulttyq ýnıversıtetin zańger mamandyqtary boıynsha bitirgen.

Eńbek jolyn 1988 jyly Balyq sharýashylyǵy mınıstrligi materıaldyq-tehnıkalyq jabdyqtaý ortalyq bazasynyń aǵa ekonomısi bolyp bastaǵan.

2005-2011 jyldary Qyzylorda qalasy ákimi apparatynyń basshysy, Shıeli aýdany ákiminiń orynbasary, Qyzylorda oblysynyń kásipkerlik jáne ónerkásip basqarmasynyń bastyǵy laýazymdarynda qyzmet etti.

2011-2016 jyldary Jalaǵash aýdanynyń ákimi, «Baıqońyr» áleýmettik-kásipkerlik korporatsııasy» ulttyq kompanııasy» aktsıonerlik qoǵamy basqarma tóraǵasynyń orynbasary, Qyzylorda oblysynyń jumyldyrý daıyndyǵy basqarmasynyń basshysy, «Qyzylorda oblystyq kásipodaqtar ortalyǵy» aýmaqtyq kásipodaqtar birlestiginiń tóraǵasy qyzmetterin atqarǵan.

2021 jyldyń mamyr aıynan osy kezge deıin Aral aýdanynyń ákimi qyzmetinde boldy.

Eske salsaq, budan buryn Qyzylorda oblysy ákiminiń orynbasary taǵaıyndalǵan edi.