Qyzylorda oblysynyń prokýrorlary zańsyz sot aktileriniń kúshin joıdy

<p>ASTANA. KAZINFORM — Qyzylorda oblysynyń prokýratýrasy júrgizgen taldaý nátıjesinde 28 zańsyz sot aktileriniń kúshi joıyldy. Bul týraly<em> </em>Qyzylorda oblysy prokýratýrasynyń baspasóz qyzmeti málimdedi.</p>

Bıylǵy jyly sottardyń bastamasymen 15 ákimshilik ister negizsiz toqtatyldy, 13 ákimshilik is boıynsha ÁQBtK-tiń sanktsııasynda kózdelmegen zańsyz tómen jaza taǵaıyndalsa, 2 is boıynsha negizsiz jaýaptylyqtan bosatý derekteri oryn alǵan.

— Sonymen qatar, sottarmen mas kúıinde kólik basqarǵan 3 tulǵa jaýaptylyqtan bosatylǵany anyqtalyp, prokýrordyń apellıatsııalyq ótinishhaty negizinde kináli tulǵalarǵa tıisti jaza taǵaıyndaldy. Mysaly, 2024 jylǵy 19 shildede mas kúıinde kólik basqarǵan quqyq buzýshy bóten tulǵanyń avtokóligin aıdap ketip, jol-kólik oqıǵasyn jasap, oqıǵa bolǵan jerden boı tasalaǵan. Shıeli aýdandyq sotynyń 2024 jylǵy 18 qyrkúıektegi qaýlysymen masań kúıde kólik basqarǵan tulǵa jábirlenýshimen tatýlasýyna baılanysty ákimshilik jaýaptylyqtan negizsiz bosatylǵan. Osy rette, oblystyq prokýratýranyń apellıatsııalyq ótinishhaty nátıjesinde kináli 20 táýlik merzimdegi qamaqqa alý jáne 7 jylǵa kólik basqarý quqyǵynan aıyrý túrinde jaza taǵaıyndaldy, — delingen habarlamada.

Aıta keteıik, zańnama talaptarynyń saqtalýy oblystyq prokýratýranyń qadaǵalaýynda.