Qyzylorda oblysynyń prokýrory taǵaıyndaldy

<p>QYZYLORDA. KAZINORM &ndash; Memleket basshysynyń kelisimi boıynsha Bas prokýrordyń buıryǵymen Rızabek Kárimuly Ojarov Qyzylorda oblysynyń prokýrory laýazymyna taǵaıyndaldy.</p>

Bul jóninde Qazaqstan Respýblıkasynyń Bas prokýratýrasy habarlady.

Rızabek Ojarov 1972 jyly dúnıege kelgen.

1996-2017 jyldar aralyǵynda Qazaqstan Respýblıkasynyń ulttyq qaýipsizdik organdarynda qyzmet atqarǵan.

2017-2019 jyldary Bas prokýratýranyń Arnaıy prokýrorlar qyzmeti bastyǵynyń orynbasary, Almaty oblysy prokýrorynyń orynbasary laýazymdarynda bolǵan.

2019 jyldan qazirgi ýaqytqa deıin Bas prokýratýranyń Sotqa deıingi tergep-tekserý qyzmetin basqarǵan.

«Jaýyngerlik erligi úshin» medalimen nagradtalǵan.

Eske salsaq, budan buryn Qyzylorda oblysynyń tabıǵı resýrstar basqarmasyna jańa basshy taǵaıyndaldy.