Qyzylorda oblysyndaǵy Jankent shaharynyń irgetasy besinshi ǵasyrda qalanǵan ba

<p>QYZYLORDA. KAZINFORM &mdash; Qyzylorda oblysynda ornalasqan kóne Jankent shaharynyń irgetasynyń qalanýyna baılanysty jańa derekter paıda boldy. Zertteýshiler shahardyń paıda bolý merzimi besinshi ǵasyrǵa deıin sozylýy múmkin ekenin aıtady.</p>

Qazirge deıin tarıhı nysandy zertteýshi ǵalymdar Jankenttiń qalyptasý kezeńi IX–XI ǵasyrlarǵa sáıkes keletini jóninde boljam jasap júrgen edi. Búginde tarıhı nysannan kóptegen jan-janýardyń súıegi tabylyp, atalǵan tujyrymǵa birqatar ózgeris engizýge týra kelip otyr. Máselen, Jankentten dala mysyǵy atanǵan málinniń kezdesýi arhelogtardyń tarıhı nysannyń qalyptasýyna baılanysty ózgeshe boljam jasaýyna alyp keldi.

AQSh-tyń Oksford ýnıversıtetiniń arheolog-paleozoology Eshlı Harýdy osy baǵytta tyń málimetterdi jınaqtap otyr. Ol Qyzylordaǵa Qorqyt ata ýnıversıtetiniń shaqyrtýymen keldi. 

Foto: Qorqyt ata atyndaǵy qyzylorda ýnıversıteti

«Jergilikti áriptesterim qala ornynan túıe, sıyr, jylqy, qoı, tipti mysyq pen balyqtyń da súıegin tapqan. Sondyqtan keleshekte osy baǵytta jan-jaqty zertteýdi josparlap otyrmyz. Jalpy, mysyqty qolǵa úıretý Iran nemese Egıpetten bastaldy degen derekter aıtylady. Endigi kezekte basqasha boljam jasaýǵa negiz bar», - deıdi ol.

Kóne qala Qazaly aýdanyna qarasty Órkendeý aýyly aýmaǵynda ornalasqan. Tarıhshylardyń aıtýynsha, Jankent oǵyz eline júzdegen jyl astana bolǵan. Jankent Uly Jibek jolynda jatqan saýda-sattyqtyń úlken qalasy retinde tanylǵan. 

Keıingi jyldarda Jankent qalasyna arheologııalyq qazba jumystaryn júrgizýge basa nazar aýdarylyp otyr.