Qyzylorda oblysyndaǵy suıytylǵan gaz óndirý ahýaly qalaı
Janarmaı quıý stantsııalaryndaǵy suıytylǵan gazdyń qazirgi quny kompanııalardyń ony óndirýge jáne jabdyqtardy jańartýǵa jumsaıtyn shyǵyndaryn óteýge jetpeıdi.
Belgilengen shekti kóterme baǵa tonnasyna (qosymsha qun salyǵynsyz) 40,3 myń teńge bolsa, suıytylǵan gazdy óndirý quny óndiretin zaýytqa baılanysty tonnasyna 50-72 myń teńgeni quraıdy. Belgilengen shekti kóterme baǵa eldegi janarmaı quıý beketterindegi bólshek saýda baǵasyn tómen ustaýǵa múmkindik berip otyr. Nátıjesinde Qazaqstanda suıytylǵan gazdy tutyný negizinen avtokólik júrgizýshileri esebinen ósip otyr, al óndiris kólemi tómendeýde.
«Búginde kásiporyndardaǵy suıytylǵan munaı gazyn óndirý shyǵyny mınıstrlik bekitken suıytylǵan munaı gazynyń baǵasynan asyp túsedi. Bul rette qondyrǵylardyń paıdalaný merzimin eskere otyryp jáne úzdiksiz óndiristik protsesti qamtamasyz etý maqsatynda zaýytqa únemi josparly jóndeý jumystaryn júrgizý qarjylyq shyǵyndardy talap etedi. Olardyń qatarynda jabdyqty jańartý, tozǵan bólshekterdi aýystyrý jáne kompressorlardy mehanıkalyq qospalardan tazartý, jabdyqtardyń jaı-kúıin taldaý jáne ózge de jumystar bar. Jalpy bul shyǵyny ótelmeıtin ónim bolyp otyr» – dedi «Qazgermunaı» BK» JShS bas dırektordyń óndiris jónindegi orynbasary Mahambet Eleýsinov.
Kásiporyn Aqshabulaq, Nuraly, Aqsaı ken oryndaryndaǵy ilespe munaı-gazyn jáne Ońtústik Aqsaı kenishinen shyǵatyn tabıǵı gazdy óńdeıdi. Nátıjesinde Qyzylorda oblysy turǵyndaryn suıytylǵan gazben qamtamasyz etedi. Kásiporyn jylyna 60 myń tonnaǵa jýyq suıytylǵan gaz óndirip otyr.
Suıytylǵan gaz óndirýge ınvestıtsııa salý múmkindigi bar jer qoınaýyn paıdalanýshylar, bul ónimdi óndirý tıimsiz bolǵandyqtan qyzyǵýshylyq tanytpaıdy. Ony óndirýdi jalǵastyryp jatqan jer qoınaýyn paıdalanýshylar muny shıkizatty óndiretin óńirler aldyndaǵy áleýmettik mindetteme retindeo ryndaıdy.
Qazirgi ýaqytta QR Energetıka mınıstrligi shyǵyndary ótelmeıtin suıytylǵan gaz óndiretin kásiporyndarmen birge suıytylǵan gazdyń óndiris qunyn óteı alatyndaıb aǵa belgileý máselelerin talqylaýda.
«Shynymen de, búginde naryqta kompanııalarda suıytylǵan gazdy óndirýge ketken shyǵyndar ótelmeıtin jaǵdaı qalyptasty. Suıytylǵan munaıgazyn óndirý rentabelsiz bolǵandyqtan sala shyǵynǵa ushyraýda, júıeli jóndeý jumystary júrgizilmeıdi jáne jańǵyrtýǵa qarajat salynbaıdy. Jańǵyrtý men josparly jóndeýge qarajaty joq óndiris oryndarynyń apatty toqtaýlary jıilep, eldi suıytylǵan gazdyń qajetti kóleminsiz qaldyrý qaýpi bar» - dep atap ótti QR Energetıka mınıstrligi gaz ónerkásibidepartamentiniń dırektory Baqytjan Taýbaev.