Qyzylorda oblysyndaǵy kitaphanalar jylyna 250 myńǵa jýyq oqyrmanǵa qyzmet kórsetedi

<p>Elimizde 24 qazan &ndash; Kitaphanashylar kúni kásibı mereke retinde atap ótilýde. Qazirgi tańda Qyzylorda oblysynda 209 memlekettik kitaphana bar bolsa, onda 4,5 mln-nan astam kitap qory jasaqtalǵan. Jalpy óńirdegi kitaphanalar jylyna 250 myńǵa jýyq oqyrmanǵa qyzmet kórsetedi, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

Bul aımaqtaǵy oqýǵa qabiletti turǵyndardyń 30 paıyzyn quraıdy. Bul týraly Óńirlik kommýnıkatsııalar qyzmetinde ótken brıfıngte Á.Tájibaev atyndaǵy Qyzylorda oblystyq ámbebap-ǵylymı kitaphanasynyń dırektory Nurlybek Myńjas habarlady.

- Ábdilda Tájibaev atyndaǵy Qyzylorda oblystyq ámbebap ǵylymı kitaphanasy – óńirdegi eń iri aqparattyq mádenı ortalyq bolyp sanalady. Oblystaǵy kitaphanalardy zamanaýı baǵyttaǵy 78 kovorkıng ortalyǵy jumys isteýde. Aımaǵymyzdaǵy 209 kitaphananyń 170-i ınternet júıesine qosylǵan. Oblys kitaphanalarynda kitap oqýdy nasıhattaý jáne azamattardyń qyzyǵýshylyǵyn arttyrý maqsatynda «Kitap Fest» festıvali, «Kitap Time», respýblıkalyq «Bir el - bir kitap» aktsııasy, «Úzdik oqyrman» benefısi, «Oqıtyn ólke» aktsııasy, «Kitappen birge ósemiz» syndy jobalar uıymdastyrylady.

Syr óńiriniń 85 jyldyq mereıtoıy aıasynda oblys kitaphanalarynda kóptegen sharalar ótkizilmek. Negizgi sharalarǵa toqtalyp ótsem, jyr keshteri, kitap kórmeleri, festıvaldar, músháıralar birqatar memleket jáne qoǵam qaıratkerleri men jazýshylardyń ómiri men qyzmetine arnalǵan tanymdyq konferentsııalar uıymdastyrylady.

Kitaphanada 7 bólim men 8 sektor oqyrmandarǵa qyzmet kórsetedi. Kitaphananyń kitap qory 4255606 danany quraıdy. Qordyń quramyna kitaptar, merzimdi basylymdar, aýdıokitaptar, elektrondy basylymdar, notalyq basylymdar kiredi.

Sonymen qatar kitaphanada jumyssyz jastardy, múmkindigi shekteýli azamattar men áleýmettik jaǵynan az qamtamasyz etilgen azamattardy kompıýterlik saýattylyqqa úıretý maqsatynda «Shańyraq» ıntellekt-ortalyǵy da jasaqtalǵan, - dedi Nurlybek Káribozuly.

Brıfıng barysynda Qorqyt ata atyndaǵy Qyzylorda ýnıversıtetiniń Ǵylymı kitaphana jetekshisi Gúlmıra Sátbaeva bilim alýshylarǵa kórsetilip jatqan qyzmetterge toqtalyp, jańa baǵyttaǵy jumystardy baıandady.

- Ǵylymı kitaphana – ýnıversıtettiń oqý jáne ǵylymı protsesterine, aqparattyq-kitaphanalyq qyzmet kórsetýdiń sapasy men onyń nátıjeliligin arttyrýǵa baǵyttalǵan. Kitaphana qyzmetin paıdalanýshylardyń basym bóligi - ýnıversıttiń bilim alýshylary, professorlyq-oqytýshylyq quram jáne ýnıversıtet qyzmetkerleri quraıdy. Jyl saıyn bilim berý baǵdarlamalaryn zamanaýı talaptarǵa saı jasaqtalýy úshin oqý quraldarymen, merzimdi basylymdarmen jáne elektrondyq resýrstarmen tolyqtyryp kelemiz. Búginde kitaphananyń jalpy qory – 1 956 324 danany quraıdy, - dedi Gúlmıra Álibaıqyzy.