Qyzylorda oblysynda jol-kólik oqıǵasynan bir adam qaza taýyp, úsh adam jaraqat aldy

<p>QYZYLORDA. KAZINFORM - Qyzylorda oblysynda eki avtokóliktiń soqtyǵysýynan bolǵan jol apatynan bir adam qaza taýyp, úsh adam jaraqat aldy.</p>

Oqıǵa 13 tamyzda Shıeli aýdany aýmaǵyndaǵy «Shymkent-Samara» tas jolynyń Sulýtóbe aýlynyń tusynda bolǵan. Eki avtokóliktiń soqtyǵysýynan bolǵan jol apatynda bir adam qaza taýyp, úsh adam jaraqat aldy.

«Atalǵan derek boıynsha sotqa deıingi tergep-tekserý áreketteri júrgizilip jatyr. Tıisti saraptamalar taǵaıyndaldy. Oqıǵanyń mán-jaılary anyqtalyp jatyr. Qyzylorda oblysynyń Polıtsııa departamenti jol qozǵalysynyń barlyq qatysýshylaryn jol júrý erejelerin qatań saqtaýǵa shaqyrady», - dep málim etti Qyzylorda oblystyq Polıtsııa departamentinen.

Eske salsaq, budan buryn Qyzylorda oblysynda segiz adam mingen avtokólik aýdarylyp, bir adam kóz jumdy.