Qyzylorda oblysynda jol-kólik oqıǵasy azaıar emes

<p>Qyzylorda oblysynda jol-kólik oqıǵalarynyń sany men jaraqat alýshylardyń sany azaıar emes, dep habarlaıdy <a href="Kazinform." target="_blank" rel="noopener">Kazinform.</a></p>

Qyzylorda oblysynyń Polıtsııa departamenti tarapynan tirkelgen árbir jol-kólik oqıǵasy taldanyp, belgilengen basym baǵyttar boıynsha sharalar qabyldanýda. Bul baǵytta «Ekin Patrol G2» jáne «Výevo» mobıldi keshenderiniń qoldanysqa engizilýi nátıjesinde jol-kólik oqıǵasy saldarynan qaıtys bolǵandar sany tómendedi. 

Dese de júrgizýshilerdiń jol erejesiniń saqtalmaýy nátıjesinde jol-kólik oqıǵalar sany 22,3%, jaraqat alǵandar 30,2%-ǵa kóbeıgen. 

«Jol júrý erejesin buzýdyń 171 myńnan astam deregi anyqtalsa, onyń 95 myńnan astamy jol apatyna tikeleı áser etetin óreskel quqyq buzýshylyqtar. Olardyń qatarynda kólikti masań kúıde basqarý, qarsy baǵytqa shyǵý, jyldamdyq asyrý, uıaly telefon qoldaný, jaıaý júrginshige jol bermeý oqıǵalary bar.

Bıyl 9 qyrkúıekten bastap 192 moped júrgizýshisine QR Ákimshilik quqyq buzýshylyq týraly kodekstiń 620-babymen (Jol júrisine qatysýshylarǵa qoıylatyn talaptardy buzý) ákimshilik hattamalar rásimdeldi. Oblys boıynsha jol-kólik oqıǵasyn boldyrmaý maqsatynda «Qaýipsiz jol», «Zańsyz jolaýshy tasymaldaýshy», «Balalardyń joldaǵy qaýipsizdigi», «Avtomobıl» jedel profılaktıkalyq sharalary únemi júrgizilýde. Mobıldi keshender eldi mekenderge patrýldeýge jumyldyrylýda», — dedi Qyzylorda oblysy Polıtsııa departamentin Jergilikti polıtsııa qyzmeti basqarmasy bastyǵynyń mindetin atqarýshy Dáýren Maırıhov.

Qoǵamdyq avtokólikterdiń tehnıkalyq jaı-kúıi tekserilip, avtopark júrgizýshilerimen profılaktıkalyq jumystar júrgizilip jatyr. 

Eske salsaq, budan buryn Qyzylordada quny 1,7 mlrd teńge bolatyn 4 memlekettik satyp alý konkýrsynyń kúshi joıyldy.