Qyzylorda oblysynda jalaqyǵa qaryz bolǵan jumys berýshilerge aıyppul salyndy

<p>Qyzylorda oblysynda jyl basynan beri 18 kásiporynnyń jumysshylarǵa jalaqyǵa 32,2 mln teńge bereshek ekeni anyqtalǵan. Tıisti sharalardyń nátıjesinde 205 adamnyń bereshegi ótelip, jumys berýshilerge zań aıasynda aıyppul salyndy, dep habarlaıdy <a href="Kazinform" target="_blank" rel="noopener">Kazinform</a>.</p>

Jyl basynan beri oblystyq baqylaý jónindegi basqarma yqpalymen 250 tekseris júrgizilgen. Anyqtalǵan zań buzýshylyqtardy joıý jóninde 212 nusqama berilgen.

«Jyl basynan beri oblystyń eńbek ınspektorlary 18 kásiporynnyń jumyskerlerge beriletin jalaqysy boıynsha 32,2 mln teńge bereshegin anyqtaǵan. Qabyldanǵan sharalardyń nátıjesinde, 205 jumyskerdiń bereshegi ótelip, jumys berýshilerge zań aıasynda aıyppul salyndy. Sondaı-aq, bıyl basqarma tarapynan kórsetiletin 5 túrli memlekettik qyzmetti alýǵa «E-lıtsenzırovanıe» portaly arqyly 968 ótinish kelip tústi. Onyń 446-y lıtsenzııalar men attestattarǵa berilse, 238 ótinish tulǵalar biliktilik talabyna sáıkes kelmeýi jáne qujattaryn tolyq usynbaýy sebepti bas tartyldy», - dedi oblystyq baqylaý jónindegi basqarmasy basshysynyń mindetin atqarýshy Marat Myrzabekov.

Eske salsaq, bıyl Qyzylorda oblysynda zańsyz aınalymnan 122 qarý tárkilendi.