Qyzylorda oblysynda úshem jaryq dúnıe esigin ashty, dep habarlaıdy Kazinform.
Oblys ortalyǵynda turatyn 30 jastaǵy Altynaı Baınazarova perınataldyq ortalyqta úshem bosandy. Júktiliktiń 34-aptasynda ómirge kelgen nárestelerdiń salmaǵy - 1 390, 2 090, 2 180 gramm. Olardyń úsheýi de qyz bala. Ata-ájeleri úshemge Ámına, Medına, ıAsına dep at qoıdy.
Foto: Qyzylorda oblysynyń densaýlyq saqtaý basqarmasyNáresteler 1 aı boıy perınataldyq ortalyqtyń náresteler jansaqtaý, náresteler patologııasy bólimshesinde em qabyldady. Qazirgi kezde anasymen birge úıine shyǵaryldy.
«Dárigerlerge zor alǵysymdy bildiremin. Ortalyqta ana men bala úshin qolaıly jaǵdaı jasalǵan. Perzenthana zamanaýı jabdyqtarmen qamtamasyz etilgen» , - dedi Altynaı Baınazarova.
Jyl basynan beri oblystyq perınataldyq ortalyǵynda 8 339 náreste dúnıege kelgen. Olardyń 120-sy egiz bolsa, 2-eýi úshem.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.