Qyzylorda oblysynda úshem dúnıege keldi

<p>Qyzylorda oblysynda úshem jaryq dúnıe esigin ashty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Oblys ortalyǵynda turatyn 30 jastaǵy Altynaı Baınazarova perınataldyq ortalyqta úshem bosandy. Júktiliktiń 34-aptasynda ómirge kelgen nárestelerdiń salmaǵy - 1 390, 2 090, 2 180 gramm. Olardyń úsheýi de qyz bala. Ata-ájeleri úshemge Ámına, Medına, ıAsına dep at qoıdy. 

Foto: Qyzylorda oblysynyń densaýlyq saqtaý basqarmasy

Náresteler 1 aı boıy perınataldyq ortalyqtyń náresteler jansaqtaý, náresteler patologııasy bólimshesinde em qabyldady. Qazirgi kezde anasymen birge úıine shyǵaryldy.

«Dárigerlerge zor alǵysymdy bildiremin. Ortalyqta ana men bala úshin qolaıly jaǵdaı jasalǵan. Perzenthana zamanaýı jabdyqtarmen qamtamasyz etilgen» , - dedi Altynaı Baınazarova. 

Jyl basynan beri oblystyq perınataldyq ortalyǵynda 8 339 náreste dúnıege kelgen. Olardyń 120-sy egiz bolsa, 2-eýi úshem.