Qyzylorda oblysynda úsh aýylda ákim saılaýy ótip jatyr

<p>QYZYLORDA. KAZINFORM &mdash; Búgin Qyzylorda oblysy Qarmaqshy aýdanynda úsh aýylda ákim saılaýy ótip jatyr. Ár okrýgte 3 kandıdattan baq synap, olardyń basym bóligi saılaýǵa ózin-ózi usyný tártibimen tústi.&nbsp;</p>

Okrýgter boıynsha Josalyda — 258, Iirkólde — 353, Qarmaqshyda — 653 saılaýshy daýys berý quqyǵyna ıe. 

Saılaýshylar tańǵy ýaqyttan beri ýchaskelerge kelip, ózderi qalaǵan kandıdattarǵa daýys berdi. 

Alǵash bolyp kelgen saılaýshyǵa ýchaskelik komıssııasy tarapynan syılyqtar berildi. Sondaı-aq, birinshi ret daýys berý quqyǵyna ıe jas saılaýshylar da mańyzdy kúnnen qalys qalmady.

Saılaýdyń ashyqtyǵyn baqylaý úshin akkredıtteýden ótken baıqaýshylar men kandıdattardyń senim bildirgen adamdary qatysýda. 

Oblystyq aýmaqtyq saılaý komıssııasynyń tóraǵasy Ádilbek Ersultanovtyń aıtýynsha, bıyl óńirde 25 aýylda jergilikti turǵyndar jańa ákimin tańdaıdy. Al naýryz aıynda shyǵyp qalǵan máslıhat depýtattarynyń ornyna saılaý ótedi.

Qyzylorda oblysynda kent, aýyldyq okrýg ákimderiniń saılaýy joǵary deńgeıde júrgizilýde. Aımaqta keıingi 3 jylda 117 aýyl ákimi saılanǵan. Ótken jyly 38 kent jáne aýyl ákiminiń saılaýy boldy.