Qyzylorda oblysynda umyt bolǵan ulttyq sport túrleri dáripteldi
20 naýryz – Ulttyq sport kúnine oraı qazaq kúresi, asyq atý, bes tas, toǵyzqumalaq, sadaq atý, arqan tartý, qoı kóterý, láńgi tebý qazaqtyń ulttyq oıyndary dáripteldi. Olardyń qatarynda halyq arasynda umyt bolǵan sport túrleri bar.
Ulttyq sport kúninde oblystyń barlyq aýmaǵynda 30-dan astam merekelik is-shara ótti. «Ulttyq oıyn – halyq murasy» jáne «Uly dala tarlandary» atty ulttyq sporttan jarystar uıymdastyryldy.
Al Qazaly aýdanynda naǵyz qazaqtyń bilekti jigitteriniń baǵy synalatyn ulttyq oıyn aýdaryspaqtan aýdandyq týrnır uıymdastyryldy.
Týrnırde 4 salmaq dárejesi boıynsha 30-dan astam bilekti jigitter baq synady. Ulttyq sport túrinen uıymdastyrylǵan saıystyń qorytyndysy boıynsha jeńiske jetken sportshylarǵa arnaıy qarjylaı syılyqtar tabystaldy.
Oblystyń ózge aýdandarynda da ulttyq sport túrlerinen saıystar uıymdastyryldy.
Odan bólek, Naýryz merekesi qarsańynda Qyzylorda qalasyndaǵy Jappasbaı batyr kóshesinen 80 otbasyǵa kópqabatty páterdiń kilti tabystaldy.
Sondaı-aq dál osy kúni qalanyń sol jaǵalaýynda aımaq basshysynyń qatysýymen ústel tennısi ortalyǵynyń irgetasyn qalaý rásimi ótti.