Qyzylorda oblysynda turǵyndarynyń sany azaıǵan 7 eldi meken taratylady

<p>ASTANA. KAZINFORM &ndash; Qyzylorda oblysynyń Aral jáne Shıeli aýdandaryndaǵy 7 eldi meken irgeles aýyldardyń quramyna qosylmaq.&nbsp;</p>

Qujatta halyq sany az eldi mekenderdi biriktirý kózdelgeni jazylǵan.

«Qyzylorda oblysynyń myna eldi mekenderi taratylyp, jaqyn ornalasqan eldi mekender quramyna engizilsin», - dep jazylǵan oblys ákimi qaýlysynyń jobasynda.

Sonymen, Aral aýdanyndaǵy Aqqum aýyldyq okrýginiń Kúrshek aýyly Shıjaǵa aýylynyń quramyna engizilmek.

Al Shıeli aýdanyndaǵy Sulýtóbe aýyldyq okrýginiń 16-beket eldi mekenin Sulýtóbe aýylynyń quramyna engizý usynylyp otyr.

Osy aýdandaǵy Tartoǵaı aýyldyq okrýginiń Ferma 2, Kirpish zaýyty jáne 18-beket eldi mekenderi Tartoǵaı aýylynyń quramyna kiredi.

Almaly aýyldyq okrýginiń 20-synshy beket eldi mekeni Almaly aýylynyń quramyna engizilmek.

Báıterek aýyldyq okrýginiń Aqtam aýyly Bıdaıkól aýylynyń quramyna qosylady.

«Osy birlesken qaýly men sheshim alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi», - delingen qujatty.

Qaýly jobasy 2 tamyzǵa deıin kópshilik talqylaýynda bolady.