Qyzylorda oblysynda sheneýnik kásipkerlerdi ulynyń oqýynyń aqshasyn tóleýge májbúrlegen

<p>ASTANA. KAZINFORM &mdash; Qyzylorda oblysy boıynsha Sybaılas jemqorlyqqa qarsy qyzmet oblystyq kásipkerlik jáne ónerkásip basqarmasynyń basshysyna qatysty sotqa deıingi tergeýdi aıaqtady. Bul týraly agenttiktiń baspasóz qyzmeti málim etti.&nbsp;</p>

«Ol ulynyń oqýyna aqy tóleý qajettiligi jáne dızeldi otynmen qamtamasyz etý týraly bıznes ókilderine zańsyz nusqaýlar berý arqyly laýazymdyq ókilettikterin asyra paıdalanǵany úshin kúdikke ilindi. Sonymen qatar, sheneýnik óńir kásiporyndarynyń suıytylǵan gazdyń tıisti kólemin alý quqyǵyn shekteý arqyly zańdy kásipkerlik qyzmetke kedergi keltirdi degen kúdik bar», — delingen habarlamada. 

Sottyń sanktsııasymen kúdikti qamaýǵa alyndy. Qazirgi ýaqytta is prokýrorǵa jiberildi. Bul baǵyttaǵy jumys jalǵasyp jatyr.

Eske sala keteıik, buǵan deıin Antıkor birqatar uıymdasqan qylmystyq top pen jemqorlyqtyń 49 júıeli faktisin anyqtaǵanyn jazǵan bolatynbyz.