Qyzylorda oblysynda respýblıkalyq komandalyq aıtys ótti

<p>QYZYLORDA. KAZINFORM - Qyzylorda oblysynda Áıteke bıdiń 380 jyldyǵyna arnalǵan &laquo;Ádil sózdiń aldaspany&raquo; atty respýblıkalyq komandalyq aıtys ótti. Sóz saıysynda Qyzylorda oblysy men Shymkent qalasy aqyndary básekege tústi.</p>

Bıyl oblys basshylyǵynyń qoldaýymen óńirde Rýhanııat jyly jarııalanǵan. Respýblıkalyq aıtys sol ıgilikti istiń bir kórinisi retinde uıymdastyrylyp otyr.

Dúbirli dodada qos óńirdiń aqyndary aıtystyń túre, súre, qaıym, qyz ben jigit aıtysy janrynda synǵa tústi. Sondaı-aq, jyrshylar men termeshiler, dástúrli ánshiler men kúıshiler is-sharanyń kórigin qyzdyrdy. 

Shymkent qalasy atynan Birjan Baıtýov, Nurlan Esenqulov, Meıirjan Jarylqap, Ánápııa Nurǵalı men jyrshy Abylaı Bórihanov, termeshi Erbol Qalmyrzaev, kúıshi Qaıyrbek Qalıev, dástúrli ánshi Turar Almenov óner kórsetti. 

Al Qyzylorda oblysy namysyn Muhtar Nııazov, Erjan Ámirov, Móldir Aıtbaı, Beksultan Orynbasarov syndy aqyndar qorǵady. Oǵan qosa jyrshy Bısenbek Tóleýbaı, termeshi Ádilhan Qýańbaev, kúıshi Aldııar Shaǵdatov, dástúrli ánshi Aqmaral Noǵaıbaeva kórermenderge rýhanı demalys syılady. 

Syr óńirinde komandalyq aıtys alǵash ret ótkizilip otyr. 

Komandalyq aıtysqa Qazaqstannyń eńbek sińirgen qaıratkeri Júrsin Erman bastaǵan top qazylyq etti. 

Foto: Qyzylorda oblystyq mádenıet basqarmasy

Óner báıgesiniń qorytyndysymen Qyzylorda oblysynyń komandasy kelesi aıtysqa joldama aldy. Eki komandaǵa birdeı qurmet kórsetilip, ár aqynǵa 500 myń teńgeden syıaqy berildi. Al, jyrshy, termeshi, dástúrli ánshi, kúıshilerge 250 myń teńgeden tabystaldy. 

Jeńimpaz atanǵan Qyzylorda oblysynyń komandasyna Qazaly aýdany ákimdiginiń Áıteke bıdiń 380 jyldyǵyna taǵaıyndaǵan «Babalar amanaty» atty arnaıy syılyǵy tapsyryldy.

Foto: Qyzylorda oblystyq mádenıet basqarmasy