Qyzylorda oblysynda 103 jastaǵy maıdanger tańdaýyn jasady

<p>QYZYLORDA. KAZINFORM &mdash; Qyzylorda oblysynda búgin respýblıkalyq referendýmda 492 myńnan astam adam daýys berý múmkindigi bar. Tańǵy saǵat 7.00-de Qyzylorda óńirindegi barlyq referendým ýchaskeleri ashylyp, óz jumysyn bastady. Ýchaskege alǵash bolyp kelgen 103 jastaǵy maıdanger ıAhııa Tasyrov óz tańdaýyn jasady.&nbsp;</p>

Syrdarııa aýdanynda turatyn Ekinshi dúnıejúzilik soǵysynyń ardageri ıAhııa Tasyrov referendým kúni alǵashqylardyń biri retinde óz ýchaskesinde bıýlleten alyp, daýys berdi. Qarııa bul kúnniń mańyzdylyǵyn atap ótip, komıssııa múshelerine aq batasyn berdi.

- Birlik árqashanda mańyzdy. El úshin ózekti isterge úles qosýymyz kerek. Sondyqtan árbir saıası naýqan kezinde óz tańdaýymdy jasaımyn. Memlekettiń damýy keleshegimiz úshin qajet. Urpaqtarymyz aman bolsyn, - dedi maıdanger.

Óńirde 380 referendým ýchaskesinde 492 380 azamat daýys berýge quqyly. Onyń 126-y Qyzylorda qalasynda, 254-i aýdandarda ornalasqan.

«Ýchaskelerdiń 27-i azamattardyń ýaqytsha bolý oryndary ıaǵnı jabyq ýchaskeler qatarynda. Onda tizimge engen azamattar tolyq daýys berip bolsa, daýys berý ýaqyty erte aıaqtalýy múmkin. Olar áskerı bólimder, emdeý-profılaktıkalyq mekemeleri, tergeý ızolıatorlary jáne taǵy da basqa oryndar. Sondaı-aq vahtalyq ádispen jumys isteıtin mekemelerdegi 6 ýchaskede daýys berý tańǵy 6.00-de bastaldy», — dep málim etti oblystyq saılaý komıssııasynan.

Barlyq ýchaskeler múgedektigi bar azamattar úshin qolaıly ıaǵnı 1-qabatta ornalasqan. Al Braıl qarpin qoldana alatyn 72 ýchaskede 100 kóz múgedegine qajetti arnaıy trafaret daıyndalǵan. Qalǵan 308 ýchaskede trafaretter taratylǵan.

«Qımyl-qozǵalysy qıyn múgedektigi bar azamattardy tasymaldaý úshin ınvataksıler men onlaın sýrdoaýdarmashylar ymdaý tili qyzmetterin kórsetedi. Referendýmdy ótkizýge jaýapty komıssııa músheleri biliktilik semınarynan ótkizilgen. Kóshpeli oqytýǵa qala jáne aýdandaǵy aýmaqtyq saılaý komıssııasynyń jáne ýchaskelerdegi referendým ýchaskelerindegi 1692 múshesi qamtyldy», — dep atap ótti oblystyq saılaý komıssııasynan.