Qyzylorda oblysynda órtten 100 baý shóp janyp ketti

<p>QYZYLORDA. KAZINFORM - Qyzylorda oblysynda órtten 100 baý shóp janyp ketti.</p>

Tótenshe jaǵdaılar qyzmetine 14 maýsymda 14.24-te Shıeli aýdany Otyrar kóshesi №3 mekenjaıynda mal qora janyp jatqany jóninde habarlama kelip túsken. 

Foto: Qyzylorda oblystyq TJD

«Órt sóndirýshiler oqıǵa ornynda aýdany 5h10 metr mal qora janyp jatqanyn anyqtady. Onyń ishinde 1 ýaq mal qalyp qoıǵan. Oǵan qosa 100 baý shóp janǵan. Órt 14.45-te tolyqtaı sóndirildi. Órttiń shyǵyny men shyǵý sebebi anyqtalyp jatyr», - dep málim etti Qyzylorda oblystyq Tótenshe jaǵdaılar departamentinen.

Eske salsaq, budan buryn Qyzylorda oblysynda kóshe boıynda turǵan jeńil kólik tolyǵymen órtenip ketti.