Qyzylorda oblysynda memlekettik mekemeni tonaǵan býhgalter sottaldy

<p>Qyzylorda oblysynda mekeme esepshisi jeke shotyna zańsyz aqsha aýdaryp, memleketke shyǵyn keltirgen, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Qazaly aýdanynda mekeme býhgalteri eńbekaqyny esepteý jáne aýdarý kezinde birinshi basshynyń elektrondy tsıfrlyq qoltańbasyn paıdalanyp, jalaqy jáne ózge de tólemder retinde jeke esep shotyna aqsha aýdarǵany anyqtaldy. Saldarynan memleketke 3 343 347 teńge shyǵyn keltirgen.

«Basty sot talqylaýy barysynda sottalýshy taǵylǵan aıyp boıynsha kinásin tolyǵymen moıyndady. Memleketke keltirgen shyǵyn tolyqtaı óteldi. Sot úkimimen ol QR Qylmystyq kodeksiniń 189-baby 2-bóliginiń 3-tarmaǵymen kináli dep tanyldy. Nátıjesinde múlkin tárkilemesten, belgili bir laýazymdy atqarý nemese belgili bir qyzmetpen aınalysý quqyǵynan úsh jyl merzimge aıyra otyryp, 2 jylǵa bas bostandyǵyn shekteý jazasy taǵaıyndaldy», – dep málim etti Qazaly aýdandyq sotynan.

Eske salsaq, budan buryn Qyzylordada jalpy quny 1,7 mlrd teńge bolatyn memlekettik satyp alý jónindegi 4 konkýrstyń kúshi joıyldy.