Qyzylorda oblysynda medıtsına qyzmetkerleriniń konstıtýtsııalyq quqyqtary qorǵaldy
Jańaqorǵan aýdanynyń prokýratýrasy eńbek zańnamasynyń jaı-kúıine taldaý júrgizdi.
«Nátıjesinde Jańaqorǵan aýdandyq kópbeıindi ortalyq aýrýhanasyndaǵy 331 qyzmetkerge tıesili 21,5 mln teńge kótermeleý qarajaty tólenbeı, konstıtýtsııalyq quqyǵynyń buzylýyna jol berilgendigin anyqtady. Atap aıtqanda, medıtsınalyq-sanıtarııalyq alǵashqy kómek tarıfine qosymsha komponent boıynsha ótken jyldyń qazan, qarasha, jeltoqsan aılaryna tólenbegen. Osylaısha medıtsına qyzmetkerleriniń konstıtýtsııalyq quqyqtarynyń buzylýyna jol berilgen», - dep málim etti Qyzylorda oblystyq prokýratýrasynan.
Prokýratýra tarapynan qabyldanǵan sharalar boıynsha 331 medıtsına qyzmetkerine tıesili kótermeleý aqsha qarajaty tólenip, buzylǵan quqyqtary qorǵaldy.
Eske salsaq, budan buryn Qyzylordada polıtseıler 76 kıikti zańsyz tasymaldaǵan kúdiktilerdi ustady.