Qyzylorda oblysynda masań kúıde kólik aıdaǵan jedel járdem júrgizýshisi jazalandy

<p>QYZYLORDA. KAZINFORM &ndash;&nbsp;&nbsp; Qyzylorda oblysynda jedel járdem júrgizýshisi masań kúıde kólik basqarǵany úshin 7 jylǵa júrgizýshi kýáliginen aıyryldy, &ndash; dep jazdy Polisia.kz.</p>

Qyzylorda oblysy Aral aýdanynda jedel járdem júrgizýshisi 15 táýlikke qamalyp, jeti jylǵa júrgizýshi kýáliginen aıyryldy.

Masań kúıde kólik basqarý faktisi Samara – Shymkent tasjolynda «Qaýipsiz jol» jedel aldyn alý is-sharasyn ótkizý kezinde anyqtaldy.

Qujattardy tekserý barysynda ózin birtúrli ustaǵan júrgizýshiniń áreketi polıtseılerge kúdikti kóringen. Medıtsınalyq kýálandyrý onyń masań kúıde bolǵanyn kórsetti.

Aıta keteıik, óńirde 6-8 tamyz aralyǵynda «Qaýipsiz jol» jedel aldyn alý sharasy ótkizilip jatyr. Polıtseıler jol júrisine qatysýshylardy muqııat bolýǵa shaqyrady.