Qyzylorda oblysynda qyzylsha juqtyrý birshama tómendedi
Byltyr qyzylshany juqtyrý deregi kóbeıip, órshýine baılanysty belgili bir kontıngentter arasynda qosymsha jappaı ımmýndaý bastaldy. Bul shara ótken jyldyń 6 qarashasynan bastaý aldy.
«Qazirge deıin oblysta ımmýndaý barysynda 67 166 adam ekpe aldy. Osy vaktsınalaýdyń yqpalymen qyzylsha boıynsha epıdemıologııalyq ahýal turaqtanyp keledi. Sońǵy úsh aı kórsetkishi boıynsha byltyr qarashada 500, jeltoqsanda 474 derek botirkeldi. Ol bıyl qańtarda 366 jaǵdaıǵa deıin tómendese, aqpan aıynda 73 adamnan aýrý anyqtaldy. Búgingi tańda aımaq emhanalarynda qyzylshaǵa qarsy ımmýndaý jalǵasyp jatyr», - dep málim etti Qyzylorda oblysynyń sanıtarııalyq-epıdemıologııalyq baqylaý departamenti basshysy Dınara Janabergenova.
Negizinen qyzylsha 5 jasqa deıingi balalarda jıi kezdesedi. Eresekterde qyzylsha aýrýy balalarǵa qaraǵanda aýyr túrde ótedi.
«Kóktemgi-qysqy kezeńde aýrýdyń órshýi baıqalady. Aýrýdan soń, qanda qyzylshaǵa qarsy antıdeneler túzilip, ımmýnıtet saqtalady. Jańa týǵan sábılerde qyzylshaǵa qarsy ımmýnıtet qalyptasýy úshin analardyń da ýaqytyly vaktsına alǵandyǵy mańyzdy. Qyzylsha aýa tamshysy arqyly tez taraıdy. Qyzylshaǵa ekpe almaǵan adam naýqaspen qysqa ýaqytta baılanysta bolsa da juqtyrý qaýpi óte joǵary», - dep tolyqtyrdy departament basshysy.
Eske salsaq, budan buryn Qyzylorda oblysynda 83 myńnan astam adam tumaýǵa qarsy vaktsına saldyrdy.