Qyzylorda oblysynda qylmystyq toptan 1,5 tonnadan astam esirtki tárkilendi

<p>ASTANA. KAZINFORM &ndash; Qyzylorda oblysynda esirtki egýmen aınalysqan uıymdasqan qylmystyq top ustaldy, dep habarlaıdy Qyzylorda oblysy prokýratýrasynyń baspasóz qyzmeti.</p>

Baspasóz qyzmetiniń málimetterine qaraǵanda, bıyl Qyzylorda oblysy prokýratýrasynyń úılestirýimen Ulttyq qaýipsizdik komıteti qyzmetkerleri 2022-2023 jyldar aralyǵynda Qyzylorda oblysy aýmaǵynda esirtki zaty marıhýananyń gollandııalyq túrin ósirýmen aınalysqan uıymdasqan qylmystyq topty quryqtady.

Tergeý barysynda salmaǵy 1,5 tonnadan astam esirtki zaty alynyp, 3 esirtki alqaby joıyldy.

Sot sanktsııasymen qylmystyq toptyń 22 belsendi múshesi qamaldy.

«Tergeý aıaqtaldy. Іs qujattarymen tanysý protsesi júrgizilýde»,-delingen habarlamada.

Osyǵan deıin Shymkentte kontrafaktili alkogol ónimderin óndiretin jerasty tsehynyń jumysy áshkere bolǵanyn jazdyq.