Qyzylorda oblysynda kıikterdi oqqa baılaǵan eki adam bas bostandyǵynan aıyryldy
Tabıǵatty qorǵaý, orman sharýashylyǵy jáne janýarlar dúnıesi ınspektsııasynyń ınspektorlary olar mingen kóligin toqtatty. Sol sátte kólikte 30-dan astam kıik eti, 5 kıiktiń basy baryn anyqtaldy.
- Belgili bolǵany, oblystyń eki turǵyny zańsyz ań aýlaýǵa shyqqan. Avtokólikpen kıikterdi qýyp, olarǵa oq atqan. Saraptama qorytyndysy boıynsha eki turǵynnyń memleketke 80 mln teńgeden astam shyǵyn keltirgeni anyqtaldy. Qyzylorda oblysynyń qylmystyq ister jónindegi mamandandyrylǵan aýdanaralyq soty buǵan qatysty qylmystyq isti qarap, olardy QR Qylmystyq kodeksiniń 337-baby, 6-bóligi, 2-tarmaǵymen qozǵalǵan boıynsha kináli dep tanydy. Olarǵa 6 jáne 7 jylǵa bas bostandyǵynan aıyrý jazasy taǵaıyndaldy. Ortaqtasqan tártipte olardan 77 mln teńgeden astam materıaldyq shyǵyn óndirildi. Qyzylorda oblystyq soty úkimdi ózgerissiz qaldyrdy, - dep málim etti Qyzylorda oblysynyń qylmystyq ister jónindegi mamandandyrylǵan aýdanaralyq sotynan.
Sondaı-aq Qyzylordada jelide bireýge jala japqan áıel 500 myń teńge aıyppul tóleıdi.