Qyzylorda oblysynda kent jáne aýyldyq okrýgte ákim saılaýy ótip jatyr

<p>QYZYLORDA. KAZINFORM - Qyzylorda oblysynda búgin kent jáne aýyldyq okrýgte ákim saılaýy ótip jatyr.</p>

Búgin Qazaly aýdanynyń ortalyǵy - Áıteke bı kenti men Jańaqorǵan aýdanynyń Sýnaqata aýyldyq okrýginde ákimi saılaýy ótkizilýde. 

Saılaý protsesi 14 ýchaskede uıymdastyrylyp otyr. Daýys berý tańǵy saǵat 7.00-den bastaldy, ol 20.00-ge deıin jalǵasady. 

«Kent jáne aýyldyq okrýg boıynsha 30 myńǵa jýyq saılaýshy daýys berý quqyǵyna ıe. Áıteke bı kentiniń ákimi bolýǵa 2 kandıdat, Sýnaqata aýyldyq okrýgi bolýǵa 3 kandıdat saılaý bıýlletenine endi. Olardyń basym bóligi ózin-ózi usyný jolymen baq synap kórýde. Aımaqta saılaýǵa otbasymen kelý úrdisi keńinen qanat jaıyp keledi. Sondaı-aq, bir kósheniń turǵyndary sanalatyn kórshiler, ujym qyzmetkerleri bir mezette kelip daýys berýge atsalysýda», - dep málim etti Qyzylorda oblystyq saılaý komıssııasynan.