Qyzylorda oblysynda gaz qubyryn urlaǵan eki adam ustaldy

<p>Qyzylorda oblysynda mekemege tıesili 54 dana gaz qubyryn urlap, 5 mln teńgeden astam materıaldyq shyǵyn keltirgen eki adam ustaldy, dep habarlaıdy <a href="Kazinform." target="_blank" rel="noopener">Kazinform.</a></p>

Shıeli aýdandyq polıtsııa bólimine urlyq jóninde aryz túsken. Belgisiz bireýler mekemege tıesili 3 metrden kesilgen 54 dana gaz qubyrlaryn urlap ketken.

«Mekemege jalpy 5 mıllıon teńgeden astam materıaldyq shyǵyn keltirildi. Júrgizilgen jedel-izdestirý jumystarynyń nátıjesinde atalǵan qylmysqa qatysy bar eki kúdikti azamat ustaldy. Urlyq jasaǵan aýdan turǵyndary bolyp shyqty. Urlanǵan qubyrlar zattaı dáleldeme retinde alyndy. Atalǵan derek boıynsha QR Qylmystyq kodeksiniń 188-babynyń 3-bóligimen (urlyq) sotqa deıingi tergep-tekserý áreketteri júrgizilip jatyr», - dep málim etti Qyzylorda oblystyq polıtsııa departamentinen.

Vedomstvo málimetinshe, kúdiktiler ýaqytsha ustaý ızolıatoryna qamaldy. Olardyń oblys aýmaǵynda bolǵan osy tektes basqa da qylmystarǵa qatystylyǵy tekserilýde. 

Eske salsaq, budan buryn Qyzylordada energııamen jabdyqtaýshy uıymdardyń tarıfterinen negizsiz shyǵyndar alynyp tastaldy.