Qyzylorda oblysynda esirtki ósirgen qylmystyq toptyń 22 belsendi múshesi qolǵa tústi

<p>QYZYLORDA. KAZINFORM - Qyzylorda oblysynda esirtki zaty marıhýananyń gollandııalyq túrin ósirýmen aınalysqan uıymdasqan qylmystyq toptyń 22 belsendi múshesi qolǵa tústi.</p>

Bul baǵytta Qyzylorda oblysy prokýratýrasynyń úılestirýimen Ulttyq qaýipsizdik komıteti qyzmetkerlerimen birge arnaıy is-shara júrgizdi.

«Nátıjesinde esirtki zaty marıhýananyń gollandııalyq túrin ósirýmen aınalysqan uıymdasqan qylmystyq toptyń 22 belsendi múshesi qolǵa tústi. Olar qylmystyq is-áreketin 2022-2023 jyldar aralyǵynda júzege asyrǵan. Tergeý barysynda salmaǵy 1,5 tonnadan astam esirtki zaty alynyp, 3 esirtki alqaby joıyldy. Sot sanktsııasymen qylmystyq toptyń 22 belsendi múshesi qamaýǵa alyndy. Tergeý aıaqtalyp, is qujattarymen tanysý protsesi júrgizilýde», - dep málim etti Qyzylorda oblystyq prokýratýrasynan.

Osyǵandeıin Qyzylorda oblysynda qylmystyq toptan 1,5 tonnadan astam esirtki tárkilengenin jazǵan edik.

Eske salsaq, budan buryn Qyzylordada TikTok-ta zańsyz oıyn uıymdastyrǵan ekeý endi kóshe sypyrady.