Qyzylorda oblysynda bir kúnde aýdan jáne 8 aýyl ákiminiń saılaýy ótedi
Syr óńirinde aýyl turǵyndarynyń ákimder saılaýyna qatysý belsendiligi joǵarylap keledi. Byltyr jergilikti jurtshylyq 1 kent jáne 37 aýyldyq okrýg ákimin tańdady. Al osy jyldyń 7 aıynda 2 kent jáne 21 aýyldyq okrýg ákimi jańadan saılandy.
«Saılanǵan ákimderdiń basym bóligi ózin-ózi usyný jolymen qatysqan. Endi 15 qyrkúıekte Shıeli aýdanynda ókilettiligi merziminen buryn aıaqtalǵan aýdan ákiminiń saılaýy uıymdastyrylady. Dál osy kúni 5 aýdanda 8 aýyldyq okrýgtiń ákimderi saılanady. Atap aıtqanda, Aral aýdanyndaǵy Qosaman, Sazdy, Bógen , Qazaly aýdanyndaǵy Alǵa, Tasaryq, Qarmaqshy aýdanynyń T.Kómekbaev, Jalaǵash aýdanynyń Tań, Shıeli aýdanynyń Telikól aýyldyq okrýginde ákim saılaýy ótedi. 8 aýyldyq okrýg boıynsha 5626 saılaýshy daýys berýge quqyly. Sondaı-aq 11 saılaý ýchaskesinde 59 komıssııa múshesi qyzmet atqarady», - dep málim etti oblystyq saılaý komıssııasynan.
Eske salsaq, budan buryn Qyzylorda oblysynda Qazaly aýdanynyń ortalyǵy – Áıteke bı kenti men Jańaqorǵan aýdanynyń Sýnaqata aýyldyq okrýginde ákimi saılaýy ótkizildi.