Qyzylorda oblysynda bilim salasynyń laýazymdy tulǵalary 200 mln teńge jymqyrǵan

<p>Qyzylorda oblysynyń prokýratýrasy Jańaqorǵan aýdandyq bilim bóliminiń laýazymdy tulǵalaryna qatysty qylmystyq isti tergep jatyr, dep jazady <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Prokýrorlar bıýdjet qarajatyn bilim berý júıesinde jumys istemeıtin tulǵalardyń esepshotyna zańsyz aýdarý faktilerin tapty.

"Sonymen qatar, jalǵan eńbekke jaramsyzdyq paraǵy men issapar shyǵyndary boıynsha bıýdjet qarajatyn jymqyrý shemasy áshkerelendi.

Aýdandyq bilim bóliminiń laýazymdy tulǵalarynyń áreketterinen keltirilgen shyǵynnyń jalpy 200 mln teńgeni qurady", - delingen baqylaýshy organnyń aqparatynda.

Atalǵan derek boıynsha oblystyq prokýratýra Qylmystyq kodekstiń 189-babynyń 4-bóliginiń 2-tarmaǵy boıynsha sotqa deıingi tergep-tekserýdi bastady.

Aıta keteıik, buǵan deıin prokýrorlar sol aýdandaǵy mektepterdiń esepshileri mektepterde jumys istemeıtin tulǵalardyń esep shottaryna zańsyz aqsha aýdaryp, jymqyrǵanyn anyqtaǵan bolatyn.

Olarǵa qatysty qylmystyq ister sotqa jiberilip, keıbirine qatysty aıyptaý úkimi shyǵaryldy.