Qyzylorda oblysynda byltyr 92 adam koronavırýs juqtyrdy
Oǵan shaldyqqan naýqastardyń basym bóligi qańtar-mamyr aralyǵynda tirkelgen. Olardyń jalpy sany 76 adam.
— Al mamyr men tamyz aralyǵynda birde-bir adam koronavırýsqa shaldyqqan joq. Odan keıin tamyzda — 3, qyrkúıekte — 7, qazanda — 5, qarashada — 1 jaǵdaı esepke alyndy. Naýqastardyń basym kópshiligi aýrý sımptomymen tirkeldi. Oblystaǵy koronavırýs ınfektsııasy boıynsha epıdemıologııalyq ahýaldy turaqty dep baǵalaýǵa bolady. Oǵan shaldyqqan adamdardyń basym bóliginde aýrýdyń jeńil nemese ortasha klınıkalyq belgisi bolýy múmkin. Olar arnaıy emdi qajet etpesten aýrýdan aıyǵyp jatady. Keı adamdarda ol aýyr aǵymda bolady. Asqyný baıqalyp, medıtsınalyq aralasýdy qajet etedi, — dedi Qyzylorda oblysynyń sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Eske salsaq, budan buryn Qyzylorda oblysynda epıdemıologııalyq maýsymda 44 599 adam JRVI-ge shaldyqty.