Qyzylorda oblysynda bıyl urlyq jasaǵan 299 adam qolǵa tústi
Oblys polıtseıleri QR Іshki ister mınıstrliginiń «Urlyqtarǵa qarsy is-qımyl jónindegi 2024-2026 jyldarǵa arnalǵan baǵdarlamasy» boıynsha bekitilgen josparǵa sáıkes jumys júrgizip keledi. Osy baǵytta qylmyspen kúreste tıimdilikti arttyrýǵa baǵyttalǵan sharalar qabyldanyp jatyr.
- Oblysta urlyq jasaǵany úshin 299 adam qylmystyq jaýapkershilikke tartyldy. Sondaı-aq páter urlyǵy boıynsha - 35, mal urlyǵymen - 18 adamǵa qatysty osyndaı qylmystyq is bar. Bul boıynsha 357 is sotqa joldandy. Páter urlyǵynyń aldyn alý maqsatynda kópqabatty úıler men jeke sektordaǵy turǵyn úılerdi kúzetýge berý, beınekamera jáne dabyl belgisimen jabdyqtaýdyń tıimdiligi jóninde túsindirý jumystary jalǵasýda. Belgilenbegen oryndarda qaraýsyz júrgen mal ıelerine qatysty 1 275 ákimshilik shara kórildi. Qyzylordalyq polıtseıler veterınarııa qyzmetkerlerimen birge reıdtik sharalar júrgizdi. Nátıjesinde jalpy 427 ákimshilik quqyq buzýshylyq anyqtady. Onyń 161-i mal nemese et ónimderin zańsyz tasymaldaýǵa qatysty bolyp otyr, - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada ınklıýzıvti balabaqshada sábıdi urýǵa qatysty qylmystyq is qozǵaldy.