Qyzylorda oblysynda bıyl moto jáne skýterlerdiń qatysýymen 97 jol apaty tirkeldi

<p>QYZYLORDA. KAZINFORM - Qyzylorda oblysynda bıylǵy jyldyń 7 aıynda moto jáne skýterlerdiń qatysýymen 97 jol apaty tirkelgen. Saldarynan 2 adam qaza bolyp, 17 adam jaraqatt alǵan.</p>

Qyzylorda oblysynda bıylǵy jyldyń 7 aıynda alkogoldi masań kúıde skýter quralyn basqarýdyń 4 deregi anyqtalǵan.

«Esepti merzimde moto jáne skýter quraldarynyń júrgizýshilerine qatysty 1069 ákimshilik quqyq buzýshylyq týraly hattamalary rásimdeldi. Skýter basqarǵan 63 jasóspirimniń ata-anasyna shara kórildi. Alkogoldi masań kúıde skýter quralyn basqarýdyń 4 deregi anyqtaldy. Qazaqstan Respýblıkasynyń 2014 jylǵy 17 sáýirdegi «Jol júrisi týraly» Zańynyń 57-babyna sáıkes, moped, skýter júrgizýshilerine bir qolymen rýlden ustamaı júrgizýge, arnaıy jabdyqtalǵan mopedterden basqa mopedtermen jolaýshylardy tasymaldaýǵa, uzyndyǵy nemese eni elý santımetrden artyq shyǵyp turatyn nemese basqarýǵa kedergi keltiretin júkterdi tasymaldaýǵa tyıym salynady. Sondaı-aq bul boıynsha basqa da talaptar bar», - dep málim etti Qyzylorda oblystyq Polıtsııa departamentinen.

Eske salsaq, Qyzylorda oblysynda bıyl 501 alaıaqtyq qylmysy tirkeldi.