Qyzylorda oblysynda bıyl kene shaqqan 522 adam dárigerler kómegine júgingen
Oblysta Kongo-Qyrym gemorragııalyq qyzbasy boıynsha 115 eldi meken qolaısyz dep tanylǵan. Bul aýmaqta kenege qarsy zalalsyzdandyrý jumystary jalǵasýda. Olardyń tıimdiligin tekserý de turaqty baqylaýda.
Naýryz aıynan bastap zooparazıtologııalyq toppen kene jınaý, zertteý jumystary júrizilýde. Búginge deıin 20329 dana kene jınaldy, olardyń 2517-i synama zertteýmen qamtylyp, 37 synamadan oń nátıje anyqtaldy. Onyń ishinde eldi mekennen jınalǵan kenelerdiń 9, janýarlardan alynǵan kenelerdiń 21, jáne dalalyq aımaqtan jınalǵan kenelerdiń 7 synamasynan oń nátıje tirkeldi.
Bıyl 522 adam kene shaǵý jaǵdaıymen medıtsınalyq kómekke júgingen. Barlyǵyna dárigerlik kómek kórsetildi. Kongo-Qyrym gemorragııalyq qyzbasyna 9 kúdikti jaǵdaı tirkelip, onyń úsheýi laboratorııalyq, klınıkalyq jáne epıdemıologııalyq jolmen naqtylandy. Mundaı derekter Jańaqorǵan men Shıeli aýdandarynda kezdesti.
Eske salsaq, budan buryn Qyzylorda qalasynda 851 gektar jer ýchaskesi memleketke qaıtaryldy.