QYZYLORDA. KAZINFORM - Qyzylorda oblysynda bıyl ómirge kelgen nárestelerge Aısultan, Erasyl, Álıhan, Muhamed esimder jıi qoıylǵan.
«Azamattarǵa arnalǵan úkimet» memlekettik korporatsııasynyń fılıalynyń habarlaýynsha, uldar arasynda Aısultan, Erasyl, Álıhan, Muhamed kóbirek kezdesti. Al qyzdarǵa ata-analar Aılın esimin kóp tańdaǵan. Oǵan qosa Medına, Ámına esimderi suranysqa ıe bolǵan.
"Jyl basynan beri Qyzylorda oblysynda 13 myńǵa jýyq bala dúnıege kelgen. Aıta ketsek, qazir týýdy tirkeýge ótinishti HQKO, elektrondyq úkimet portaly arqyly jáne proaktıvty túrde berýge bolady. Bul rette, bala týylǵannan keıin sábıdiń anasyna 1414-ten quttyqtaý SMS-habarlama kelip, qyzmet kórsetý úshin qajetti aqparatty kezeń-kezeńimen suratatyn bolady», - dep atap ótti «Azamattarǵa arnalǵan úkimet» memlekettik korporatsııasynyń fılıalynan.
Eske salsaq, Qyzylordada bıyl 15 bala terezeden qulap ketti.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.