Qyzylorda oblysynda avtogaz tapshy: Jaǵdaıdy ákimdik túsindirdi
Qyzylorda oblysynyń aýmaǵynda suıytylǵan munaı gazyn bólshek saýdada ótkizýdiń shekti baǵasy bekitilgen. Shalǵaıdaǵy aýdandardy qospaǵanda onyń quny – 1 lıtr úshin 64 teńge. Al oblys ortalyǵynan 200 shaqyrymnan astam shalǵaıdaǵy aýdandar úshin avtogazdyń lıtri 69 teńgeni quraıdy.
«Energetıka mınıstrligi jetkizilim josparyna sáıkes Qyzylorda oblysyna aıyna ortasha eseppen 6-7 myń tonnaǵa jýyq gaz bólip keledi. Bıylǵy qazan aıynda «Qazgermunaı» BK» mekemesinde gaz daıyndaý qondyrǵysynda termııalyq maı júıesi tolyq aýystyryldy. Osyǵan baılanysty qazan aıyna bekitilgen suıytylǵan munaı gazdyń kólemi 529 tonnaǵa azaıtyldy. Osy sebeppen oblys aýmaǵyndaǵy gaz jelisi uıymdary tutynýshylardy tolyq kólemde qamtamasyz etý úshin keıbir avtogaz quıý beketterinde talon arqyly jáne ýaqytsha shekteýmen satýdy belgiledi», – dep málem etti Qyzylorda oblysynyń Kásipkerlik jáne ónerkásip basqarmasynan.
Vedomstvo málimetinshe, bıylǵy jyldyń qarasha aıyna bekitilgen suıytylǵan munaı-gaz kólemi qazan aıynan 19% kóp.
«Gaz jelisi uıymdarynyń málimetine sáıkes engizilgen shekteýler qarasha aıynda alynyp tastalady. Ýaqytsha oryn alǵan qolaısyzdyqtarǵa túsinistikpen qaraýǵa shaqyramyz. Bul másele basqarmanyń baqylaýynda jáne aldaǵy ýaqytta oń sheshimin tabatynyn habarlaımyz», –dep tolyqtyrdy basqarmadan.