Qyzylorda oblysynda aýyl ákimderiniń saılaýy ótip jatyr

<p>QYZYLORDA. KAZINFORM &mdash; Búgin Qyzylorda oblysy Qarmaqshy aýdanynda kent jáne eki aýylda ákim saılaýy ótip jatyr.</p>

QR Saılaý týraly konstıtýtsııalyq Zańyna sáıkes, Qarmaqshy aýdanynyń Josaly kenti, ІІІ Internatsıonal, Aqjar aýyldyq okrýgi ákiminiń saılaýy ótip jatyr. 

Daýys berý 7:00–de ýchaskelerde bastaldy. Alǵashqy kelgen saılaýshyǵa ýchaskelik komıssııa tarapynan syılyqtar berildi. Sondaı-aq, birinshi ret daýys berý quqyǵyna ıe bolǵan jas saılaýshylar da mańyzdy kúnnen qalys qalmady.

Foto: Qyzylorda oblystyq saılaý komıssııasy

Aıta ketsek, Josaly kentinde — 12540, ІІІ Internatsıonalda — 1255, Aqjarda — 958 saılaýshy daýys berýge quqyly. Daýys berý keshki 20.00-ge deıin jalǵasady.

Saılaý protsesin baıqaýshylar men kandıdattardyń senim bildirgen azamattary baqylaı alady. Bıýlleten tizimine engen 8 kandıdattyń 2-i saıası partııa, 6-y ózin-ózi usyný tártibimen túsip otyr.

Bıyl Qyzylorda óńirinde 25 kent jáne aýyldyq okrýg ákimderiniń ókilettik merzimi aıaqtalady.

Jyl basynan beri 5 aýyldyń ákimi saılandy.