Qyzylorda oblysynda alyp náreste dúnıege keldi

<p>Qyzylorda oblysynda alyp náreste dúnıege keldi. Onyń salmaǵy 5,6 kelini shamalasa, boıy 57 santımetrdi quraıdy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qyzylorda oblystyq perınataldyq ortalyǵynda salmaǵy 5,6 keli, boıy - 57 santımetrdi quraıtyn ul bala jaryq dúnıe esigin ashty. 

Alyp balany jańaqorǵandyq 37 jastaǵy kópbalaly ana Aıgúl Dúısebaeva júktiliktiń 42 aptasynda ómirge alyp keldi. Bul - otbasyndaǵy segizinshi perzent, barlyǵy - ul bala. 

«Bóbek anasynyń segizinshi perzenti eken. Bilikti dárigerler alyp sábıdi kesar tiligi otasy arqyly bosandyryp aldy. Sábıge ata-anasy Qanaǵat degen esim qoıdy. Qazir sábı de, anasy da ózderin jaqsy sezinedi. Nárestege erekshe kútim jasalyp, aldaǵy ýaqytta onyń salmaǵyn qadaǵalaý qajet», - dedi Qyzylorda oblystyq perınataldyq ortalyǵy bas dárigeriniń emdeý jónindegi orynbasary Gúlvıra Seıtenbahova. 

Mamandardyń aıtýynsha, medıtsınada náresteniń salmaǵy 4 keliden assa, iri al, 5 keliden joǵary bolsa alyp bolyp​ sanalady. Oblystyq perınataldyq ortalyǵynda jyl basynan beri salmaǵy 4 keliden asatyn 1 546 sábı dúnıege kelgen. Al salmaǵy 5 keliden asatyn 38 bala týdy. 

Eske salsaq, Qyzylordada tymaýratqandar arasynda balalardyń úlesi basym bolyp otyr.