Qyzylorda oblysynda alǵash ret baýyrǵa transplantatsııa jasaldy
Kópbeıindi oblystyq aýrýhanada dárigerler alǵash ret osyndaı kúrdeli ota qolǵa alyndy. Týystyq donordan 1985 jylǵy azamatshaǵa baýyr transplantatsııasy jasaldy. Donor 1993 jyly dúnıege kelgen, ol - kúıeýiniń inisi.
Naýqas 2016 jyldan beri baýyr tsırrozy aýrýymen D sanatynda esepte turǵan, Konservatıvti alǵan emi nátıjesiz bolǵan.
Kúrdeli otaǵa A.N.Syzǵanov atyndaǵy Ulttyq ǵylymı hırýrgııa ortalyǵynyń bas dárigeri Bolatbek Baımahanov, atalǵan ortalyqtyń bólim meńgerýshisi, hırýrg-transplantolog Maqsat Doshanov, bóliminiń meńgerýshisi, hırýrg-transplantologtar Serik Tileýov, Jambyl Ospan, kópbeıindi oblystyq aýrýhana dırektory, PhD, hırýrg-transplantolog Jasulan Baımahanov, aýrýhana dırektorynyń orynbasary Erbol Serikuly jáne ózge de dárigerler qatysty.
- Oblysta baýyr aýrýynyń barlyq túrimen syrqattanyp júrgen naýqastar sany artyp otyr. Byltyrǵy esep boıynsha baýyrdyń vırýsty gepatıt V, S, D aýrýlarymen 2437 adam tirkelgen. Onyń ishinde baýyr tsırrozymen 441, vırýsty emes baýyr tsırrozymen 76 adam aýyrdy. Oblystyń 15 turǵyny Almaty, Astana qalalarynda baýyr transplantatsııasyn jasatqan, - dedi kópbeıindi oblystyq aýrýhana dırektory Jasulan Baımahanov.
Donordyń baýyrynyń 60-65 paıyzy retsıpıentke salyndy. On saǵatqa sozylǵan ota sátti ótti.
Eske salsaq, byltyr Qyzylordada 1400-ge jýyq bala qyzylsha juqtyrǵan.