Qyzylorda oblysynda áleýmettik-ekonomıkalyq damý boıynsha ósim bar

<p>Bıyl Qyzylorda oblysynyń ekonomıkasynda áleýmettik-ekonomıkalyq damýdyń negizgi kórsetkishteri boıynsha oń ósim baıqaldy. Bul jóninde Óńirlik kommýnıkatsııalar qyzmetiniń aqparat alańynda oblystyq statıstıka departamentiniń basshysy Qaırat Ábsultanov habarlady, dep habarlaıdy Kazinform.&nbsp;</p>

- Ónerkásip óndirisiniń kólemi – 102,1%, óńdeý ónerkásibi – 128,9%, qurylys jumystarynyń kólemi – 120,4%, negizgi kapıtalǵa salynǵan ınvestıtsııa – 118,4%, turǵyn úılerdi paıdalanýǵa berý – 116,3%, kólik – 108,4%, saýda – 104,7%. 2023 jylǵy 1 jeltoqsanynda 10736 zańdy tulǵa tirkeldi. Onyń ishinde 8755 birlik sýbekti jumys istep tur, - dedi Qaırat Baıǵabyluly.

Sonymen qatar, bıylǵy jyldyń III toqsanynda jumyssyzdar sany 16,6 myń adamdy qurady. Osylaısha, jumyssyzdyq deńgeıi 4,8% quraǵan.

Statıstıkalyq málimetterge sáıkes, Qyzylorda oblysynda 2023 jyldyń 3 toqsanynda bir qyzmetkerdiń ortasha aılyq ataýly jalaqysy 303675 teńge. Bul kórsetkish ekonomıkalyq qyzmettiń barlyq túrlerimen aınalysatyn iri, orta jáne shaǵyn kásiporyndardan alyndy.

Qazirgi tańda, eńbek aqynyń eń joǵary shamasy taý-ken óndirý ónerkásibi jáne karerlerdi qazý qyzmeti – 598754 teńge, eń tómengi aýyl, orman jáne balyq sharýashylyǵy qyzmetter salasynda 156094 teńge bop belgilendi.