Qyzylorda oblysynda 83 myńnan astam adam tumaýǵa qarsy vaktsına saldyrdy

<p>QYZYLORDA. KAZINFORM &ndash; Qyzylorda oblysynda tumaýdyń epıdahýalyn turaqtandyrý jáne aýrý deńgeıin tómendetý úshin 84 430 doza vaktsına satyp alyndy. Bul maqsatta jyl saıyn jergilikti bıýdjetten qarjy qarastyrylyp keledi.&nbsp;</p>

Vaktsına saldyrý aldymen QR Úkimetiniń qaýlysymen bekitilgen tıisti kontıngentterge júrgizildi. Olardyń qatarynda densaýlyq saqtaý qyzmetkerleri, medıtsınalyq uıymda dıspanserlik esepte turǵan balalar jáne balalar úıleriniń, sábıler úılerinde tárbıelenip jatqan jetkinshekter, qarttar úıinde turatyn azamattar bar. Sondaı-aq ol epıdemıologııalyq kórsetimderi boıynsha júrgizildi. Nátıjesinde 83 168 adam tumaýǵa qarsy ekpe qabyldady.

«2023-2024 jylǵy jańa epıdmaýsymda oblys kóleminde jedel respıratorly vırýsty ınfektsııanyń 60 545 jaǵdaıy tirkeldi. Olardyń 67 protsenti - 14 jasqa deıingi balalar. Esepte turǵan júkti áıelder arasyndaǵy JRVI-ǵa shaldyǵý kórsetkishi 1,6%-dy qurap otyr. Naýqas adamdardy aýrýhanaǵa jatqyzý kórsetkishi – 5 paıyz. Oblys kóleminde jedel respıratorly vırýsty ınfektsııanyń aýyr aǵymdaǵy 1 697 naýqastyń synamasy tumaý aýrýyna tekserildi. Nátıjesinde zerthanalyq jolmen naqtylanǵan tumaý aýrýynyń 310 jaǵdaıy esepke alyndy. Aýrýǵa shaldyqqandardyń basym kópshiliginen tumaý vırýsynyń A túri (308), qalǵan 2 jaǵdaıda tumaý vırýsynyń V túri anyqtaldy», - dedi Qyzylorda oblysynyń sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Eske salsaq, budan «Koronavırýstan saqtaný úshin qandaı talaptardy oryndaǵan jón» taqyrybynda maman keńesi berildi.