Qyzylorda oblysynda 8 otbasy ata-ana quqyǵynan aıyryldy

<p>&nbsp;Qyzylorda oblysynda sot úkimimen 8 otbasy sot quzyrymen ata-analyq quqyǵynan aıyryldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Oblys kóleminde kámeletke tolmaǵandar jasaıtyn jáne olarǵa qarsy jasalatyn qylmystardyń aldyn alý maqsatynda «Jasóspirim», «Túngi qaladaǵy balalar», «Bala-Zań-Qaýipsizdik» atty jedel profılaktıkalyq sharalary ótti.

Nátıjesinde 6251 quqyq buzýshy ishki ister organdaryna jetkizildi. Onyń ishinde 231-i kámeletke tolmaǵandardy beıimdeý ortalyǵyna jatqyzylyp, 53 jasóspirim qylmys jasaǵany úshin ustaldy.

«Sondaı-aq, túngi ýaqytta zańdy ókilinsiz úıinen tys jerde júrgen kámeletke tolmaǵan 4700 balanyń zańdy ókilderi ákimshilik jaýapkershilikke tartyldy. Balalardyń tárbıesimen aınalyspaı, ata-ana mindetin oryndamaǵan 8 otbasy sot quzyrymen ata-analyq quqyǵynan aıyrylsa, 6 ata-ananyń quqyǵy shekteldi. Al 5 jaóspirim oblystyq devıantty minez-qulyqty balalarǵa arnalǵan mektep-ınternatynda bilim alady. Taǵy 2 jasóspirim Abaı oblysynyń erekshe rejımde ustaıtyn arnaıy mektep-ınternatyna ornalastyryldy», - dep málim etti Qyzylorda oblystyq polıtsııa departamentinen.

Vedomstvo málimetinshe, Qyzylorda oblysynda arnaıy reıd ótken. 

Sol arqyly qoǵamdyq oryndar men kóshelerde, túngi klýbtarda, dıskotekalarda, kafe-barlar men meıramhanalarda mektep oqýshylarynyń túngi júrisine jol berilmeıdi.

Eske salsaq, budan buryn Qyzylordada polıtseılerge pyshaq ala júgirgen adam ustalǵan edi.