Qyzylorda oblysynda 1500 press shóp janyp ketti

<p>QYZYLORDA. KAZINFORM &mdash; Qyzylorda oblysynda órtten 1500 press shóp janyp ketti.</p>

Shıeli aýdany № 13 órt sóndirý bóliminiń 101 baılanys telefonyna búgin, 17 maýsymda 11.10 shamasynda Bıdaıkól aýylynda mal qora janyp jatqandyǵy týraly habarlama kelip tústi.

«Atalǵan habarlama boıynsha bólimnen 2 órt sóndirý avtokóligimen 5 qyzmetker jumyldyryldy. Turǵyn úıdiń aýlasynda aýdany 12×12 metr bolatyn mal qora jáne 1500 dana jınalǵan press shóbi janǵandyǵy anyqtaldy. Órt 12.00 shamasynda tolyǵymen joıyldy. Saldarynan zardap shekkender men jaraqat alǵandar joq. Órttiń shyǵý sebebi anyqtalyp jatyr», - dep málim etti Qyzylorda oblystyq Tótenshe jaǵdaılar departamentinen.

Eske salsaq, budan buryn Qyzylorda oblysynda órtten 100 baý shóp janyp ketti.