Qyzylorda oblysy óńdeý ónerkásibi boıynsha aldyńǵy orynda keledi

<p>QYZYLORDA. KAZINFORM - 2024 jylǵy alǵashqy eki aıdyń qorytyndysymen Qyzylorda oblysy eldiń áleýmettik-ekonomıkalyq damý qorytyndysy, óńdeý ónerkásibiniń ósimi, negizgi kapıtalǵa ınvestıtsııa tartý, negizgi ekonomıkalyq makrokórsetkishter boıynsha birinshi orynda keledi.</p>

2024 jyldyń qańtar-aqpan aılaryndaǵy eldiń áleýmettik-ekonomıkalyq damý qorytyndysy boıynsha Qyzylorda oblysy birinshi orynda keledi.

Foto: Qyzylorda oblysy ákimdigi

Bul jóninde Úkimet otyrysynda Premer-mınıstrdiń orynbasary-Ulttyq ekonomıka mınıstri Nurlan Baıbazarov atap ótken bolatyn.
Óńdeý ónerkásibi jedel damý tendentsııasyn kórsetýde. Óndiristiń ósý qarqyny 7,4 paıyzǵa joǵarylady. Onyń ishinde Qyzylorda, Aqtóbe, Shyǵys Qazaqstan, Batys Qazaqstan oblystary joǵary oryndarda keledi.

Oǵan qosa Qyzylorda oblysy negizgi ekonomıkalyq makrokórsetkishter ósimi boıynsha aldyńǵy orynǵa shyqqan. Qańtar-aqpan aılarynda el ekonomıkasy 4,2%-ǵa, barlyq makrokórsetkishter Qyzylorda, Batys Qazaqstan, Shyǵys Qazaqstan, Soltústik Qazaqstan, Túrkistan, Abaı oblystary men Astana qalasynda ósken.

Sondaı-aq, Qyzylorda oblysy negizgi kapıtalǵa ınvestıtsııa tartý boıynsha aldyńǵy orynda tur. Óńirler boıynsha eń joǵary ınvestıtsııalyq kórsetkishter Qyzylorda, Túrkistan, Jetisý oblystarynda, sondaı-aq Astanada baıqalǵan.