Qyzylorda qalasynda 851 gektar jer ýchaskesi memleketke qaıtaryldy

<p>QYZYLORDA. KAZINFORM - Qyzylorda qalasynda uzaq jyldar boıy ıgerilmegen 851 gektar jer ýchaskesi memleket menshigine qaıtaryldy.</p>

Qalalyq prokýratýra qadaǵalaý aktisi negizinde uzaq jyldar boıy ıgerilmegen, quny 55 mln teńge 851 gektar jer ýchaskesin memleket menshigine qaıtardy. Onyń ishinde kásipkerlik maqsattaǵy 9, jaıylymdyq maqsattaǵy 842 gektar jer bar.

«Jer paıdalanýshylarǵa berilgen nusqama talaptaryn oryndamaǵan 16 azamatqa QR Ákimshilik quqyq buzýshylyq týraly kodeksiniń 462-babynyń 3-bóligimen ákimshilik shara qoldanyldy. Budan bólek uzaq jyldar boıy paıdalanylmaǵan 7069 gektar 158 jer ýchaskesi anyqtaldy. Búgingi kúni atalǵan jer ýchaskelerine qatysty ýákiletti organmen nusqamalar berilip, májbúrlep memleketke qaıtarý úshin tıisti sharalar qabyldanyp jatyr», - dep málim etti oblystyq prokýratýradan.

Eske salsaq, budan buryn Qyzylordada aqyly jolda kólik ıelerinen 22 mln teńge bereshek óndirildi.