Qyzylorda aıaldamalaryndaǵy elektrondy taqtada aqparat qazaqsha jazylady – ákimdik
Aıta keteıik, 2024 jyldyń 24 qyrkúıeginde agenttik saıtynda «Qyzylorda turǵyny aıaldamadaǵy aqparatty memlekettik tilde jazýdy surap, sotqa júgindi» degen taqyryppen aqparat jarııalanǵan bolatyn. Osy máselege qatysty túsinikteme bergen Qyzylorda qalasynyń ákimdigi aıaldamalardaǵy jazbalar qazaq tilinde jarııalanyp júrgenin foto jáne vıdeo materıal arqyly dáleldeýge tyrysty.
«Qyzylorda qalasyndaǵy avtobýs aıaldamalaryndaǵy aqparattardyń memlekettik tilde ornatylýyna qatysty monıtorıng jumysy júrgizildi. Nátıjesinde aıaldamalardaǵy elektrondy taqtalardaǵy jazbalar qazaq tilinde kórsetilip turǵany anyqtaldy. Qalalyq mádenıet jáne tilderdi damytý bólimi mamandary budan bólek basqa da nysandarda tilge qatysty zańnama talaptarynyń saqtalýyna monıtorıng jumystaryn turaqty túrde júrgizýde», - dep atap ótti ákimdikten.
Alaıda, buǵan deıin jarııalanǵan aqparatta Qyzylorda qalasynyń mamandandyrylǵan aýdanaralyq ákimshilik soty talap qoıýshynyń memlekettik tilde aqparattar alýǵa qatysty konstıtýtsııalyq quqyqtary buzylǵanyn eskerip, talap qoıýdy qanaǵattandyryp, jaýapkerge avtobýs aıaldamalaryndaǵy aqparattardy memlekettik tilde ornatýdy mindettegeni aıtylǵan edi.