Qyzylorda: Abaı jáne Dosan eldi mekenderine gaz qosyldy

<p>&laquo;QazaqGaz&raquo; ulttyq kompanııasynyń enshiles kásiporny &laquo;QazTransGaz Aımaq&raquo; AQ Qyzylorda qalasynyń Abaı jáne Dosan eldi mekenderin tabıǵı gazǵa qosty, dep habarlaıdy Kazinform.&nbsp;</p>

Búgingi tańda Abaıda – 2 519, Dosanda 873 turǵyn bar. Atalmysh jobany júzege asyrý arqasynda joǵaryda atalǵan eldi mekenderdegi 592 úıge tabıǵı gaz berýge múmkindik týdy.

Foto: "QazaqGaz" UK" AQ

– Tabıǵı gazdyń ózge otyn túrlerine qaraǵanda artyqshylyǵy kóp. Kógildir otyn – adamnyń kúndelikti turmys-tirshiligin aıtarlyqtaı jeńildetetini ras. Degenmen, tutynatyn tabıǵı gazymyz adamdardyń ómirine qaýip tóndirmes úshin, ony turmysta paıdalaný talaptaryn qatań saqtaý qajet. Úıdegi tútin murjalary men jeldetý arnalaryn ýaqtyly tekserý jáne tazartý, gazdan ajyratý avtomatıkasy bar dabylqaqqyshtardy ornatý qaýipsizdik kepili bolyp tabylady. Bul siz ben jaqyndaryńyzdyń densaýlyǵy men ómiri úshin mańyzdy – dep atap ótti «QazTransGaz Aımaq» AQ KÓF dırektorynyń birinshi orynbasary Oljas Ismalaev.

Foto: "QazaqGaz" UK" AQ

Búgingi tańda «QazTransGaz Aımaq» Qyzylorda óndiristik fılıaly oblystaǵy 130 myńnan astam tutynýshyny, 2 496 kommýnaldy-turmystyq kásiporyndy jáne 224 iri kásiporyndy gazben qamtamasyz etip otyr.