Qyzyl teńizde soǵys bastaldy

<p>Búgin hýsıtter Bab-el-Mandeb buǵazynda tankerge shabýyl jasap, artynsha Aden shyǵanaǵyndaǵy konteıner tasymaldaýshy kemeni basyp aldy. <a href="Kazinform" target="_blank" rel="noopener">Kazinform </a>bul týraly <a href="https://oilcapital.ru/news/2023-12-14/v-krasnom-more-nachinaetsya-morskaya-voyna-3129485" target="_blank" rel="noopener">Oilcapital </a>saıtyna silteme jasap habarlaıdy.</p>

Alǵashqy shabýyl tańerteń jasaldy. Amerıkalyq esmınets Úndistannyń Mangalorynan Sýets kanalyna qaraı júzip bara jatqan Marshall araldarynyń jalaýyndaǵy Ardmore Encounter tankerinen apat týraly sıgnal aldy. Ol motorly qaıyqtar shabýyldaǵanyn habarlady.

Amerıkalyq esmınets kómekke kelip, Iemen aýmaǵynan ushyrylǵan drondy atyp túsirdi.
Hýsıtter tankerlerge zymyranmen oq jaýdyra otyryp, keri shegindi. Jaýǵan oq dál tımeı, esmınets pen tanker ekıpajy zardap shekken joq.

Al keshke qaraı hýsıtter operatsııasy sátti boldy, biraq bul jolǵy shabýyl soltústikke qaraı – Aden shyǵanaǵyna jasaldy.

Bul joly teńiz qaraqshylary Omannan Saýd Arabııasyna Gonkong týymen júzip bara jatqan Maersk Gibraltar konteıner kemesiniń baǵytyn ózgertýge májbúrledi. Qazir keme Iemen aýmaǵyna, Aden portyna bet aldy.