Qyzyl kitapqa engen qus Býrabaı tabıǵı parkindegi fototuzaqqa túsip qaldy

<p>ASTANA. KAZINFORM — Sur tyrna (Grus grus) — Qazaqstannyń Qyzyl kitabyna engen sırek kezdesetin qus «Býrabaı» memlekettik ulttyq tabıǵı parkiniń aýmaǵynda ornatylǵan fototuzaq kamerasyna tústi.</p>

Sur tyrna — Qazaqstandaǵy qorǵalatyn qustardyń biri. Tabıǵı mekendeý oryndarynyń joǵalýy men adam qyzmetiniń nátıjesinde onyń sany aıtarlyqtaı azaıdy. Sondyqtan bul sırek kezdesetin qusty baıqaýdyń árbir jaǵdaıy tirkelip, ornıtologtar men tabıǵatty qorǵaýmen aınalysatyndar úshin mańyzdy oqıǵaǵa aınaldy.

«Bizdiń aýdanda sur tyrnany baıqaý — bizdiń ulttyq parktiń janýarlar álemin qorǵaý úshin qabyldaǵan sharalarynyń tıimdiligin rastaıtyn tamasha jańalyq. Biz qustardyń mundaı sırek kezdesetin túrleriniń ózin qaýipsiz sezinetinin kórgenimizge óte qýanyshtymyz», — dep túsindirdi «Býrabaı» MUTP ǵylym, aqparat jáne ekologııalyq monıtorıng bóliminiń aǵa ǵylymı qyzmetkeri Evgenıı Arhıpov.

Ol bul qustardyń mekendeıtin jerleri týrıster úshin jabyq ulttyq parktiń birneshe aımaǵynda ǵana tirkelgendigin atap ótti